Gamewwiet mill-Imgħoddi

Skont Erin Serracino Inglott ‘gamewwa’ hija ‘ħaġra prezzjuża minquxa jew imqabbża bi xbieha fiha, bi lwien mill-ħaġra nfisha, li n-nisa jxiddu bħala labar biex jiżżejnu, u l-irġiel ġieli għamlu minn wieħed żgħir il-fossa għal xi ċurkett.’ (Erin Serracino-Inglott, Il-Miklem Malti, It-Tielet Volum, Klabb Kotba Maltin, 1976, p. 76: GAMEW).

Din ta’ Mary Rose Mifsud hija ġabra ta’ ħames rakkonti qosra li minnhom infushom huma prezzjużi proprju għax twieldu mill-imgħoddi. Fihom hemm tant imħabba, u minnhom jixref tagħrif dwar żmien li bil-mod il-mod qed jintesa li kieku ma kienx għal tant kittieba, fosthom Mifsud stess, li b’dedikazzjoni sabu l-ħin jiktbu u jwasslu dan il-wirt tant sabiħ u li qiegħed jgħib.