Vjaġġ f’Art tas-Siġar

Vjaġġ f’Art is-Siġar (Voyage au pays des arbres), storja għat-tfal miktuba mir-rebbieħ tal-Premju Nobel, J.M.G. Le Clézio u maqluba għall-Malti minn Claudine Borg. Illustrazzjonijiet ta’ Henri Galeron.

Tifel ċkejken, li ma kienx jaf kif se jqatta’ ħinu u li joħlom ħafna li jivvjaġġa, jerħilha lejn il-foresta biex jiltaqa’ mas-siġar. Isir midħla tagħhom, speċjalment tal-balluta x-xiħa li ħarsitha tant hi profonda. Saħansitra jista’ jismagħhom jitkellmu, lis-siġar. U meta s-siġar iż-żgħażagħ jistidnuh għal festin, it-tifel ċkejken jintebaħ li qatt aktar mhu se jkun waħdu.

Immirata għall-tfal minn tmien snin ‘il fuq.