L-Istejjer ta' Għawdex ta' Patri Jacko by Martyn Offord

Imqareb, jitfixkel malajr u suxxettibbli għall-inċidenti, Dun Jacko mhuwiex verament magħmul għal ġo knisja. Is-superjuri u l-familja tiegħu jħarsu lejh b’mistkerr u b’imbarazzament kbir; minkejja li jniggżuh u jibbuljawh, isibu ruħhom kontinwament imħabblin fil-kaos li jidher li jiġġenera hu. Hu ma jkollux l-intenzjoni li jwaqqa’ għaċ-ċajt l-importanza żejda ta’ soprani barranin, aġenti tal-proprjetà u diretturi tal-films, imma hekk jagħmel. Madankollu, fost il-blat u s-silla ta’ Għawdex, il-gżira li jħobb, l-għerf sempliċi tiegħu u l-passjoni għall-ħajjiet tan-nies umli li jaqdi juru l-imħabba ta’ Alla. L-istejjer tiegħu huma mogħnija bi żbalji komiċi, dgħufijiet umani, maħfra u paċi. Jitfixkel ġewwa u barra minn dan kollu nsibu lil Barry l-Ingliż, li hu tant insinifikanti, anke għalih innifsu, li tibda tarah kullimkien.