F'Armonija mal-Ħajja tal-Belt by Rena Balzan

In Tune With City Life ta' Rena Balzan hija t-traduzzjoni bl-Ingliż ta' Fiż-Żifna ta' l-Ibliet. Dan ir-rumanz ġie tradott minn Antoinette Pace.

Iris, mara żagħżugħa li ħajjitha tinqala' mill-konformità relattiva, tintefa' f'esperjenzi li jibdlu ħajjitha fir-rumanz ta' Rena Balzan, In Tune With City Life. Hekk kif jiżvolġi bħala awtobijografija narrata fit-tielet persuna, it-tifkiriet ta' Iris dwar il-passat tagħha, u eventwalment il-preżent, jiżvelaw il-fluss tal-ħsibijiet tagħha hekk kif tipprova tadatta għaċ-ċirkostanzi li qed jinbidlu f'ħajjitha.

F'dan ir-rumanz ta' kuntrasti, Iris tinnaviga bejn żewġt ibliet opposti għal xulxin, Alfa u Gamma. Minkejja d-differenzi soċjali fiż-żewġt ibliet, il-kwistjoni tal-ġeneru hija prevalenti matul ir-rumanz kollu. Hekk kif Iris timxi tul it-triq imkebba lejn il-maturità u l-awtorealizzazzjoni, il-kuxjenza emanċipata tagħha tiġi esplorata f'termini tal-aspettattivi tagħha dwar ir-rwol soċjali tan-nisa li qed jinbidel fid-dinja tal-lum. Partikolarment ta' sfida għaliha huwa r-rwol li tkun omm waħedha li l-karriera u l-ħajja personali tagħha spiss ikunu f'kunflitt ma' xulxin.

Hekk kif ir-rumanz jevolvi, l-istorja ta' mħabbitha mal-uniku raġel f'ħajjitha, Cosmo, tiżvolġi fl-isfond. Sadanittant, Iris tkompli bil-ġlidiet tagħha biex twettaq l-eżistenza tagħha fir-relazzjoni tagħha ma'ha nfisha u mal-oħrajn.