Noti ... U Riflessjonijiet by Michael Grech; John Baldacchino; Giovanni Franzoni; Peter Mayo; Emanuel Scicluna; Meinrad Calleja; Joseph Gravina; Justin Schembri; Yosanne Vella

Jottings … And Reflections huwa eżerċizzju djalogiku li fih għadd ta’ studjużi u esperti f’oqsma differenti jirriflettu b’mod kritiku fuq temi li dwarhom l-awtur tal-artikli kien innifsu niżżel xi ħsibijiet. Il-kitbiet jippruvaw jipprovokaw ħsieb kritiku barra l-binarji tas-soltu f’dak li għandu x’jaqsam mad-demokrazija, il-politika, ir-reliġjon, l-immigrazzjoni, il-paċi, in-newtralità ta’ Malta, il-kitba tal-istorja, l-arti popolari u l-prepożizzjonijiet u l-assunzjonijiet li jinsabu fil-ħsibijiet u d-diskors tagħna. L-intenzjoni ta’ dan ix-xogħol mhijiex li jkun ta’ natura akkademika żżejjed, iżda pjuttost, permezz ta’ noti ta’ kuljum, li jistimula lin-nies u jqanqal diskussjoni dwar diversi kwistjonijiet tal-lum.