Programm Kommemorattiv tal-Gala tal-Opri ta' Verdi u Wagner by A. G. Storace and FARAXA Publishing (Ed.)

Programm kommemorattiv għall-Gala tal-Opra li sar biex jiċċelebra l-200 anniversarju mit-twelid ta' Giuseppe Verdi u Richard Wagner, fil-lukanda Hilton, Portomaso, Malta fis-27 ta' Settembru 2013. Il-kontenut tal-programm għall-gala kien stabbilit minn Malta Art Events, filwaqt li l-qoxra tal-ktieb kienet iddisinjata minn FARAXA publishing. Il-programm kollu għal din il-gala kien ktieb ta' 52 paġna stampata, bi stampar limitat. Fih deskrizzjonijiet siewja u dettaljati tal-plottijiet tas-siltiet tal-opra li ttellgħu matul il-gala, mill-kritiku mużikali ewlieni Albert G. Storace. Hemm inklużi wkoll aneddoti relatati, bijografiji dettaljati tal-artisti li ħadu sehem u informazzjoni oħra ta' valur. Għalhekk, il-programm kommemorattiv huwa oġġett għall-kollezzjonisti għal min iħobb l-opra f'Malta u madwar id-dinja.