Int min int, mara?

George huwa raġel tal-familja, dħuli, qalbu tajba, iħobblil ta’ madwaru u dejjem lest biex jgħin, raġel eżemplari. Ilu ’l fuq minn erbgħin sena miżżewweġ u huwa u martu, Alla jbierek, għadhom qishom żewġ namrati.

Id-dimensja tidħol f’nofshom u d-dinja tiegħu tinbidel. Ma’ dinjietu tinbidel ukoll dik ta’ martu u tal-għeżież tiegħu.

Kif iġġib ruħha Carmen, mart George, għal għemilu meta d-dimensja tibda tiggrava?

Kif tispiċċa jew kif tkompli l-imħabba ta’ George u Carmen?

Idħol fl-istorja u idħol fl-esperjenza.

Dan ir-rakkont huwa ispirat minn ġrajjiet veri, li ġraw lil Joe u lil Ġina Debono, in-nanniet ta’ Lorraine.