Ġikkur: "Nistrieħu u Nagħmlu l-Yoga bħar-Reġina Pirjola" by Cedric Chircop

It-tielet ktieb mis-sensiela Ġikkur. Nesploraw flimkien ma’ dil-ħlejqa n-naħa l-oħra tal-munita, u din id-darba Ġikkur jiddeċiedi jgħin lil wieħed buli jismu Ġanni. Dan Ġanni mhux kapaċi jikkontrolla r-rabja u n-nervi li jaqbduh u għalhekk ir-Reġina Pirjola tgħallmu t-teknika tal-Yoga billi jistira u jitmattar.

B’nifs qawwi ’l ġewwa u ieħor ’il barra, f’pożizzjoni ta’ ajkla, ta’ balena u annimali oħra, it-tfal jibqgħu jiftakru b’mod sempliċi kif għandhom jipprattikaw il-Yoga!

Permezz tar-rakkont induqu ftit mill-kultura u t-tradizzjonijiet ta’ nies li jappartjenu għat-Tribù Kayan li jgħixu fl-imwarrab qalb l-għoljiet tat-Tajlandja!