Il-Ġgant it-Tajjeb by Gladys Masters

Il-Ġgant id-Dħuli / The Friendly Giant ta' Gladys Masters, miġjuba għall-Malti minn Toni Aquilina, hija mmirata għat-tfal bejn is-seba' u l-ħdax-il sena. Din il-ħrafa fiha glossarju li jgħin lit-tfal kif ukoll lill-barranin li qed jitgħallmu l-Malti waqt li jaqraw din l-istorja.

Reviżjonijiet

'Tiġġudikax il-ktieb mill-qoxra tiegħu! Le! Mhux fis-sens litterali. Il-qoxra ta' dan il-ktieb hija tassew fantastika, kif inhi wkoll l-istorja li hemm ġo fih. Dan il-ġgant dħuli jagħmel dak kollu possibbli biex jiġi aċċettat min-nies tar-raħal, u ammirajt il-perseveranza tiegħu biex iwettaq din ix-xewqa li kważi saret missjoni. Dan il-ġgant għaqli jieħu lill-qarrej fi sensiela ta' avventuri fejn joħroġ minn żontu u jirriskja dak il-ftit żejjed barra mill-kumdità tiegħu. U iva, jista' jkun kbir u setgħan, imma kollox ma' kollox, ma stajtx ma nħobbx lil dan il-karattru. Apprezzajt il-glossarju fl-aħħar tal-ktieb għaliex xi wħud mill-kliem użat normalment ikun diffiċli għat-tfal biex jifhmuh, iżda l-glossarju huwa definittivament mod tajjeb ħafna biex iżżommhom interessati mingħajr ma jkollhom għalfejn jirrikorru għal kotba oħra. It-traduzzjoni hija leali ħafna għall-istorja oriġinali.'

Annabel Desira