Il-Villaġġ ta' Serpentinu by Christabel Attard

Il-Villaġġ ta’ Serpentinu hu mmirat għat-tfal bejn it-tmien u l-għaxar snin. Huwa miktub forma ta’ poeżija bir-rima. Jibda bi spunt mill-istorja ta’ Adam u Eva li telqu mill-ġnien tal-Eden u ħallew lis-serp waħdu. Il-karattru prinċipali tal-ktieb huwa Serpentinu s-serp. Huwa jara kif jagħmel biex jagħti ħajja lill-ġnien u jibdlu f’villaġġ. Joħroġ l-avviżi għax biex jgħaqqad komunità kellu bżonn professjonijiet differenti. L-istorja tkompli billi jiġu diversi annimali – li kollha jagħmlu xogħlijiet bżonnjużi fil-komunità. Iżda Serpentinu bħal donnu jisparixxi ...

Ktieb ħelu li permezz tiegħu jistgħu jiġu esplorati diversi temi bħar-rima, annimali differenti u xogħlijiet differenti. Il-ktieb jispiċċa b’diversi mistoqsijiet li huma maħsuba biex iġegħlu lill-qarrejja żgħar jaħsbu. Tkun idea interessanti kieku t-tfal li jaqrawh joħorġu l-kreattività tagħhom billi jkomplu l-istorja.

Il-Villaġġ ta’ Serpentinu, miktub minn Christabel Attard b’illustrazzjonijiet ta’ Marvic Spiteri, huwa ktieb f’forma ta’ poeżija bir-rima immirat għal tfal bejn it-8 u l-10 snin. L-istorja tibda minn punt fin-narrattiva fejn Adam u Eva telqu mill-Ġnien tal-Eden u ħallew lis-serp waħdu. Il-karattru prinċipali fil-ktieb huwa s-serp ċkejken, Serpentinu. Hu jiddeċiedi li jagħti ħajja lill-ġnien u jibdlu f’villaġġ. Serpentinu joħroġ avviżi għax biex jgħaqqad il-komunità, hemm bżonn professjonijiet differenti. Varjetà ta’ annimali jwieġbu għall-avviżi ta’ Serpentinu, u kollha kemm huma jwettqu xogħlijiet utli fil-komunità. Iżda mbagħad, Serpentinu jidher li jisparixxi... Il-Villaġġ ta’ Serpentinu jiffaċilita l-esplorazzjoni ta’ diversi temi bħall-poeżija, annimali varji u tipi differenti ta’ xogħol. Tul il-ktieb jitqajmu wkoll mistoqsijiet biex jistimulaw il-ħsieb kritiku fil-qarrejja żgħar tiegħu.