Raise the Curtain, editat minn Barbara Day, hija ġabra ta' drammi, li l-biċċa l-kbira tagħhom ġew sottomessi bħala parteċipazzjoni fil-kompetizzjoni tal-kitba tad-drammi ta' Gozo Live. Kitbuha Għawdxin jew persuni li esperjenzaw rabtiet qawwija mal-gżira. Permezz tad-drammatizzazzjoni ta' leġġendi, storja, umoriżmu u traġedja, din l-antoloġija toffri ħarsa lejn in-natura umana, osservazzjonijiet u immaġinazzjonijiet, waqt li Għawdex jipprovdi l-isfond għal dawn id-drammi. L-iżvolġiment tad-dinamika tal-familja, il-kultura tar-raħal imħallta mal-preżenza tal-espatrijati, it-tfakkir tal-istorja ta' Ulikse u Kalipso, il-ħsejjes matul il-lejl, l-ispekulazzjonijiet dwar konversazzjonijiet u r-ritorn għal perjodi storiċi jagħmlu dan il-ktieb tifkira eċċellenti ta' Għawdex u se jappella għal kull min hu interessat fit-teatru.
Gozo Live hija soċjetà għal kittieba ta' kull età. Taħdem fl-iskejjel kollha ta' Għawdex billi tmexxi kompetizzjonijiet tal-kitba u parteċipazzjonijiet li huma appoġġjati b'entużjażmu mill-istudenti tal-iskola, l-għalliema u l-ġenituri tagħhom. Kull sena jsiru rappreżentazzjonijiet ta' drammi li jattiraw udjenzi kbar u entużjasti.
