Meaulnes it-Twil by Alain - Fournier

Meaulnes it-Twil ​/ Le Grand Meaulnes​ hu rumanz famuż Franċiż ta' Alain-Fournier li deher għall-ewwel darba fl-1913.

Wara li ħarab mill-iskola, Wistin Meaulnes, imlaqqam it-Twil minn sħabu tal-iskola ta' Sant' Agata, jintilef u jsib ruħu wara nżul ix-xemx f'dominju mwarrab, f'nofs il-kampanja, imżejjen b'lanterni kkuluriti, fejn kienet qed titħejja festa misterjuża u karnivaleska. Ma kellux għażla ħlief li jitħallat mal-folla tal-mistednin. X'kienu qed jagħmlu hemm f'nofs il-foresta dawn in-nies kollha? X'ra u ma' min ltaqa' Meaulnes fil-jumejn li qatta' fid-dominju misterjuż? Għaliex din l-avventura kellha taqliblu ħajtu ta' taħt fuq?

Meaulnes it-Twil ​/ Le Grand Meaulnes​ hija t-traduzzjoni bil-Malti tar-rumanz famuż ta' Alain-Fournier. Hawnhekk l-awtur jirrakkonta l-istorja tiegħu bħala rakkont folkloristiku li jogħġob liż-żgħar u l-kbar bl-istess mod, u jieħu lill-qarrej f'dinja immaġinarja mimlija fantasija, imħabba u nostalġija għall-passat mitluf.