Oranġjo bil-Garżi by Dion P. P. Pizzuto

Wara s-suċċess tal-ewwel ktieb tal-poeżiji ta’ Dion P. P. Pizzuto, One Compulsive Desire, ġie ppubblikat it-tieni ktieb tal-poeżiji tiegħu Patchwork Orange. Illustrazzjonijiet ta’ Sam Falzon.

Patchwork Orange jagħti ħarsa affaxxinanti lejn kif l-istadji differenti tal-ħajja jistgħu jaffettwaw l-għarfien personali ta’ wieħed. Hekk kif kull biċċa (stadju) tiżvolġi, wieħed jiffaċċja l-isfidi tagħha f’dawl spiritwali, b’sens ta’ ottimiżmu, fejn naturalment, dan ikun possibbli. Mhuwiex rari li wieħed jiltaqa’ ma’ biċċa diffiċli jew iktar mudlama li tittestja l-umanità, tfixkel is-serenità u tqajjem mistoqsijiet dwar id-destin.

It-tama u l-perseveranza kienu l-fatturi ewlenin li żammew lil Dion P. P. Pizzuto għaddej matul id-deċennju ta’ ħajtu li dan il-ktieb ikopri.

Għalih, il-kulur oranġjo dejjem ġibed l-attenzjoni tiegħu u rrappreżenta l-entużjażmu, l-inkoraġġiment u r-rieda li wieħed jgħix. Barra minn hekk, hu qatt mhu se jinsa l-istimolu li tah ir-reliġjon u dejjem se jonora d-divinità li minnha ġejjin.

Patchwork Orange huwa t-togħma tal-ħajja li żgur se tħalli togħma ħelwa f’ħalqek.