Lejl in-Nar by Éric-Emmanuel Schmitt

Fl-età ta’ tmienja u għoxrin sena, waqt żjara ma’ direttur tal-films fin-Nofsinhar tal-Alġerija, Éric-Emmanuel Schmitt jingħaqad ma’ grupp ta’ Franċiżi bħalu biex fil-kumpanija ta’ Tuareg u gwida Amerikan jagħmlu spedizzjoni ġod-deżert. Matulha, huwa jintilef fl-immensità tal-Ħoggar. Mingħajr ilma, ikel u għata tul lejl sħiħ f’kesħa glaċjali, mhux biss ma jiġrilu xejn u ma jibżax, talli jħossu qiegħed jintrefa’ minn forza tikwi li timlieh bis-sliem, bil-hena u b’sens ta’ eternità. Iċ-ċertezzi kollha tal-filosfu razzjonalist jitheżżu minn għeruqhom. Il-għala dan in-nar ma jsejjaħlux Alla?

Éric-Emmanuel Schmitt jirrakkonta lejl in-nar tiegħu għall-ewwel darba u jikxef, matul għaxqa ta’ vjaġġ interjuri, l-intimità spiritwali tiegħu u l-esperjenza li bidlitlu ħajtu sew bħala bniedem kif ukoll bħala kittieb.

Din hi l-wieħed u tletin traduzzjoni mis-serje Pubblikazzjoni Faraxa.